Социология соҳасида ҳамкорлик: «Ижтимоий фикр» РЖФЎМ делегацияси Бутунроссия жамоатчилик фикрини ўрганиш марказига ташриф буюрди

Россия Федерацияси ва Ўзбекистон илмий-тадқиқот марказлари ўртасидаги касбий ва илмий алоқаларни мустаҳкамлаш мақсадида «Ижтимоий фикр» Республика жамоатчилик фикрини ўрганиш маркази ходимлари Москвада амалий ва маърифий сафарда бўлишди ва у ерда социологик тадқиқотлар соҳасидаги Россиянинг етакчи таҳлилий муасссасаларидан бири бўлмиш Бутунроссия жамоатчилик фикрини ўрганиш марказига (ВЦИОМ) ташриф буюришди.

Делегация таркиби ва ташриф мақсади

Делегация таркибига қуйидагилар кирди:

* Сеитов Мансур Шерикбаевич – социология фанлари бўйича фалсафа доктори (PhD), марказ директорининг илмий ишлар ва инновациялар бўйича ўринбосари;

* Муратов Тимур Равильевич - ахборот технологиялари ва ахборот хавфсизлиги департаменти раҳбари.

Ташрифнинг асосий  мақсади Ўзбекистоннинг амалий социологияни ривожлантириш ва жамоатчилик фикрини ўрганишга инновацион ёндашувларни жорий этиш йўлидаги стратегик йўналишига мос келадиган илмий-тадқиқий, услубий ва технологик соҳаларда ўзаро ҳамкорликни мустаҳкамлаш ва шерикликни кенгайтиришдан иборат бўлди.

Учрашувнинг асосий жиҳатлари

Амалий учрашув юқори профессионал даражада ўтказилди. «Ижтимоий фикр» РЖФЎМ делегациясини ВЦИОМ таҳлил маркази Илмий Кенгаши раиси Степан Андреевич Львов ва ВЦИОМ махсус дастурлар ва тадбирлар департаменти раҳбари Анна Юрьевна Кириленко қабул қилдилар.

Конструктив мулоқот жараёнида  ҳамкорликнинг қуйидаги йўналишлари муҳокама қилинди:

* Қўшма тадқиқот фаолияти. Томонлар кўп босқичли социологик тадқиқотлар ўтказиш, методологиялар алмашиш, жамоатчилик фикрини таҳлил қилиш воситаларини стандартлаштириш ва замонавий рақамли маълумотларни йиғиш технологияларини жорий этиш имкониятларини муҳокама қилдилар.

* Илмий ҳамкорлик. Учрашув иштирокчилари қўшма илмий материалларни тайёрлаш ва нашр этиш, халқаро конференциялар ва илмий форумларда иштирок этиш истиқболлари, шунингдек ихтисослаштирилган социологик адабиётлар — монографиялар, асарлар тўпламлари ва даврий нашрлар алмашинувининг илмий мақсадга мувофиқлигини муҳокама қилдилар. Ўзаро ҳамкорликнинг ушбу шакли, томонлар таъкидлаганидек, ахборот-таҳлилий базани мустаҳкамлаш ва илмий марказлар ўртасида илмий алмашинувни ривожлантиришга ёрдам беради.

* Предметли ҳамкорлик. Ташриф давомида социологик фаолиятни рақамли ўзгартириш, шунингдек, ахборот хавфсизлигини таъминлаш ва респондентларнинг шахсий маълумотларини ва тадқиқот марказларининг ички маълумотларини ҳимоя қилиш масалаларига алоҳида эътибор қаратилди, бу маълумотларнинг ишончлилиги ва ҳимоясини таъминлаш учун жуда муҳим ҳисобланади. Томонлар ушбу соҳа ИТ-муҳитнинг жадал ривожланаётган иши ва рақамли маълумотлар ҳажми ўсиб бораётган шароитда, айниқса,  долзарб бўлиб бораётганини таъкидладилар.

Ташриф  натижалари

«Ижтимоий фикр» РЖФЎМ делегациясининг ташрифи Ўзбекистон ва Россиянинг етакчи социологик марказлари ўртасидаги шериклик муносабатларини мустаҳкамлашда муҳим босқич бўлди.

Учрашув давомида томонлар илмий салоҳиятни ривожлантириш, тадқиқот усулларини такомиллаштириш ва жамоатчилик фикрини таҳлил қилиш сифатини оширишга қаратилган узоқ муддатли ҳамкорликдан ўзаро манфаатдор эканликларини тасдиқладилар.

Ташриф натижалари бўйича томонлар профессионал алоқаларни мустаҳкамлаш, илғор тажрибаларни алмашиш ва миллий социологик мактабларни халқаро тадқиқот ҳамжамиятига уйғунлаштириш учун янги имкониятларга эга бўлдилар.