63

Ҳамдўстлик мамлакатлари социологик ҳамжамиятининг конструктив мулоқоти

2022 йил  14 декабрь куни Тошкентда "Евроосиё монитори" Халқаро тадқиқот агентликлари ассоциациясининг "МДҲ минтақасидаги мамлакатлараро социологик тадқиқотлар муаммолари ва истиқболлари" номли конференцияси бўлиб ўтди, унда МДҲ давлатларидан келган халқаро социологик ҳамжамиятнинг таниқли олимлари иштирок этдилар. Конференцияда "Ижтимоий фикр" Республика жамоатчилик фикрини ўрганиш маркази директорининг биринчи ўринбосари М. K. Хаджимухамедов ҳам иштирок этиб, ўз нутқида мамлакатлараро ҳамкорлик Ҳамдўстлик мамлакатларида энг янги социология мактабининг ривожланишига туртки беришини таъкидлади.

«Евроосиё монитори» – бу   300 миллиондан ортиқ аҳолиси бўлган,  қарийб йигирма мамлакатни ҳамда турли тиллар, маданиятлар, динлар билан бирга  умумий тарихга эга кўплаб йирик ва кичик халқларни бирлаштирган улкан субконтинентда – Шимолий Евроосиё маконида социологик тадқиқотлар олиб борадиган тадқиқот агентликларининг халқаро нотижорат бирлашмасидир. Социологлар ва турли фан соҳаларига мансуб олимлар минтақадаги турли мамлакатлар фуқароларининг ижтимоий кайфиятлари тўғрисида турли хил маълумотларни тўплайдилар ва таҳлил қиладилар, чунки биз "ҳамма нарса қиёслаганда маълум бўлади" деб ҳисоблаймиз. Шимолий Евросиёнинг маданий хилма-хиллиги ва бой ижтимоий мозаикасини социологик жиҳатдан тақдим этиш ушбу лойиҳанинг асосий мақсади ҳисобланади.

Ҳозирги вақтда «Евроосиё монитори» минтақанинг 7 мамлакатига мансуб 10 та ташкилотни – Ассоциациянинг  ҳақиқий аъзоларини бирлаштиради. Бундан ташқари, постсовет мамлакатларидагн яна 9 та тадқиқот гуруҳи Ассоциациянинг алоҳида лойиҳаларида иштирок этмоқда.

Конференцияда Ҳамдўстлик мамлакатлари социологик марказлари вакили бўлган  социолог-олимлар  ҳам сўзга чиқдилар.

Шу куннинг ўзида  «Ижтимоий фикр»  Республика жамоатчилик фикрини ўрганиш марказида Марказ раҳбарияти ва жамоасининг Ҳамдўстлик мамлакатлари хорижий социологик марказлари, хусусан, Россия Фанлар академияси Социология институти ва Шимолий Евроосиё мамлакатлари тадқиқот агентликлари ассоциацияси «Евроосиё монитори» вакиллари билан учрашуви бўлиб ўтди.

Расмий ташриф давомида томонларни қизиқтирган масалалар юзасидан фикр алмашилди, «Ижтимоий фикр» РЖФЎМ ва социологик марказлар ўртасидаги самарали, касбий, илмий ва услубий ҳамкорлик истиқболлари,  жамоатчилик фикрини ўрганишнинг янги воситаларни биргаликда излаш ва ишлаб чиқиш, ижтимоий-ижтимоий фаолиятни амалга ошириш амалиёти, замонавий ижтимоий маконда ижтимоий-сиёсий, маркетинг ва медиа тадқиқотларини ўтказиш, тажриба алмашиш, илмий кадрларнинг малака ошириши ва амалий фаолликни  қўллаб-қувватлаш амалиёти масалалари муҳокама қилинди.

Учрашув дўстона, амалий  мулоқот тарзида ўтди ва меҳмонларда катта қизиқиш уйғотди.