Hurmatli hamkasblar! Xonimlar va janoblar!

Sizga shuni maʼlum qilamizki, 2024 yil noyabr oyida “Ijtimoiy fikr” RJFOʻM tashabbusi va bevosita ishtirokida “Oʻzbekistonda jamoatchilik fikrini oʻrganish va shakllantirishning dolzarb muammolari: usullar, nazariya va amaliyot” doimiy xalqaro ilmiy-amaliy seminari doirasida akademik Raʼno Ubaydullayeva nomidagi uchinchi yillik sotsiologik oʻqishlar boʻlib oʻtadi. Seminar mavzusi: “Yangi Oʻzbekiston yoshlari: qadriyat yoʻnalishlari va oʻzini roʻyobga chiqarish  istiqbollari”.

Oʻzbekistonda yoshlar bilan ishlash, uning salohiyatini toʻliq ochib berish uchun shart-sharoitlar yaratish milliy ustuvorliklar darajasiga koʻtarildi, 2021 yilda qabul qilingan  va BMTning “Yoshlar-2030” Strategiyasida belgilangan “yoshlar bilan va uning manfaatlari uchun ishlash” tamoyiliga asoslangan 2025 yilgacha Oʻzbekistonda  yoshlarga oid davlat siyosatini rivojlantirish konsepsiyasi ham bundan dalolat beradi.

2024 yilni Yoshlar va tadbirkorlikni qoʻllab-quvvatlash yili deb eʼlon qilish bilan mamlakat rahbariyati respublikani ijtimoiy-iqtisodiy rivojlantirishda yoshlarning rolini yanada kuchaytirish istagini namoyish etmoqda.

Shu nuqtai nazardan, seminar mavzusi tashkilotchilarga juda dolzarb va muhim  boʻlib tuyuladi, chunki unda davlat va Oʻzbekiston jamiyatining mamlakat taraqqiyotining hozirgi bosqichidagi intilishlari toʻliq aks ettirilgan.

 

Seminar jarayonida yangi voqelik sharoitida Oʻzbekiston jamiyatini rivojlantirish strategiyasi masalalarini muhokama qilish, yoshlar muhitining ijtimoiy-madaniy, iqtisodiy va psixologik jihatlari, uning jamiyatdagi oʻrni va taʼsirini tahlil qilish rejalashtirilgan.