Lazizbek Mullajonov va Asadxoʻja Moʻydinxoʻjaev olimpiada chempionlari!

Oʻzbekiston terma jamoasi aʼzosi, 71 kg vaznda Asadxoʻja Moʻydinxoʻjaev boks boʻyicha final bahsda meksikalik Marko Alonsoga qarshi jang qilib gʻolib chiqdi va oltin medalga sazovor boʻldi!

Oʻzbekiston terma jamoasining yana bir aʼzosi, 92 kg vaznda Lazizbek Mullajonov Parij Olimpiadasida raqibi Ozarbayjonlik Loreno Alfonso ustidan yaqqol ustunlik bilan raqibini yengib Parijda oʻtkazilayotgan 2024-yozgi olimpiada oʻyinlarida beshinchi oltin medalni qoʻlga kiritdi.

Sportchilarimiz Asadxoʻja Moʻydinxoʻjaev hamda Lazizbek Mullajonov sharafiga Fransiya diyorida bayroqlarimiz koʻtarilib, madhiyamiz yangradi. 

Oʻzbekiston hisobida hozircha 5 ta oltin va 3 ta bronza medaliga ega boʻlib, Parij Olimpiadasida mamlakatimiz 14-oʻrinda turibdi.

“Ijtimoiy fikr” respublika jamoatchilik fikrini oʻrganish markazi barcha yurtdoshlarimizni hamda sportchilarimiz Asadxoʻja Moʻydinxoʻjaev, Lazizbek Mullajonovlarni ushbu yorqin gʻalaba bilan muborak etadi.

Omad yor boʻlsin chempionlar !