38

30 IYUL – XALQLAR DOʻSTLIGI KUNI

Har bir inson tinch, qadrlangan, erkin jamiyatda yashashni istaydi. Bu umuminsoniy orzu — xalqlar oʻrtasidagi doʻstlik, bagʻrikenglik va oʻzaro hurmat orqali roʻyobga chiqadi. Shu bois ham 30 iyul sanasi — Xalqlar doʻstligi kuni dunyo miqyosida insonlar oʻrtasidagi birdamlik va madaniy hamjihatlikning ramzi sifatida alohida ulugʻlanadi.

Xalqlar doʻstligi — bu shunchaki shior emas. Bu har kunlik hamkorlik, hayot tarzi, ijtimoiy adolat va hamfikrlikni qaror toptirishga qaratilgan uzluksiz harakatdir.

Oʻzbekiston bu borada dunyoga namuna boʻla oladi. Mamlakatimizda 130 dan ortiq millat va elat vakillari, 200 dan ziyod milliy madaniy markazlar faoliyati, Konstitutsiyada mustahkamlangan teng huquq va imkoniyatlar,  Millatlararo totuvlikni mustahkamlashga qaratilgan davlat siyosatining ustuvor yoʻnalishlari ushbu kun mazmunini hayotga tatbiq etuvchi yorqin misoldir.

Prezidentimiz Shavkat Mirziyoyev bu borada “Biz barcha millat va elatlar, turli din vakillarining teng huquqli va hamjihat jamiyatda yashashini taʼminlashni doimiy vazifamiz, deb bilamiz” deb taʼkidlaganlar.

Xalqlar doʻstligi — faqat oʻtmishga ehtirom emas, balki kelajak uchun masʼuliyat hamdir. Mamlakatda millatlararo munosabatlarning barqarorligi — ijtimoiy adolatni taʼminlaydi, jamiyatni mustahkam qiladi, inson huquqlarini himoya qiladi.

BMTning Inson huquqlari Umumjahon deklaratsiyasi va YuNESKOning rezolyutsiyalarida madaniy xilma-xillikni himoya qilishga qaratilgan asosiy hujjatlari doʻstlikni barqaror taraqqiyot va ijtimoiy adolatning poydevori sifatida koʻradi

Shu oʻrinda, barcha yurtdoshlarimizni qaysi millatga, qaysi dinga mansub boʻlishidan qatʼi nazar — Xalqlar doʻstligi kuni bilan samimiy muborakbod etamiz!

Har bir xonadonda tinchlik, har bir dilga bagʻrikenglik, har bir jamiyatda oʻzaro hurmat ustuvor boʻlsin!

Bizni doʻstlik birlashtiradi, bagʻrikenglik yuksaltiradi, tinchlik farovonlikka yetaklaydi.