O‘zbekiston Respublikasi Prezidentining 2022-yil 12-yanvardagi PQ-81-son va 2022-yil 11-maydagi PQ-240-son qarorlariga muvofiq, Respublikamizda faoliyat yurituvchi turli tashkilot va idoralarning korrupsiyaga qarshi kurash bo‘yicha ichki nazorat bo‘linmalari mas’ul xodimlarning bilim va ko‘nikmalarini oshirish uchun o‘quv-trening va seminarlarni tashkil qilib borish vazifasi belgilangan. Ushbu vazifalar ijrosini ta’minlash maqsadida, joriy yilning 20-avgust kuni sohada faoliyat yurituvchi mas’ul xodimlar uchun “Davlat organlari va tashkilotlarida korrupsiyaning oldini olish va “komplayens-nazorat” tizimi samaradorligini oshirish” mavzusida o‘quv seminari tashkil etildi

O‘quv-seminari doirasida Respublikamizdagi turli tashkilot va idora vakillari, sohada yuzaga kelayotgan muammolar, mazkur yonalishdagi mavjud holat va erishilayotgan yutuqlar  to‘g’risida fikr almashishdi. Shuningdek, bir qator horijiy davlat vakillari ham seminar ishtirokchilariga davlat xizmatida korrupsiyaning oldini olish va manfaatlar to‘qnashuvini boshqarish, davlat xizmatchilarini korrupsiyaga qarshi barqarorligini baholash  bo‘yicha o’z tajribalari bilan  o‘rtoqlashishdi.

Mazkur seminarda “Ijtimoiy fikr” respublika jamoatchilik fikrini o‘rganish Markazidan, Ilmiy ishlar bo‘yicha Markaz direktorining o‘rinbosari Sotsiologiya fanlari bo‘yicha falsafa doktori (Phd) Seitov Mansur Sherikbayevich ham ishtirok etdi. M. Seitov tomonidan “Korrupsiyani oldini olishda ijtimoiy so‘rovlarning o‘rni, so‘rovlarni tashkil etish va o‘tkazish masalalari” mavzusidagi qilingan ma’ruza seminar qatnashchilari orasida katta qiziqish va muhokamalarga sabab bo‘ldi hamda yig’ilganlar “Ijtimoiy fikr” respublika jamoatchilik fikrini o‘rganish Markazi bilan kelgusida mazkur sohada hamkorlik qilish istagini bildirishdi, Mansur Seitov ham seminar ishtirokchilariga ijtimoiy so‘rovlarni qanday tashkil etish va o‘tkazishga doir masalalar yuzasidan “Ijtimoiy fikr”  Markazi doim o‘z yordamini ayamasligini ta’kidlab o‘tdi.