Фуқаролар одам савдоси ҳақида

Одам савдоси оғир жиноят ва инсон ҳуқуқларининг қўпол бузилиши ҳисобланади. Ҳар йили минглаб эркаклар, аёллар ва болалар уйда ҳам, чет элда ҳам одамфурушлар қўлига тушишади. Дунёнинг барча мамлакатлари, келиб чиқиши, транзит ёки борадиган мамлакат бўлишидан қатъи назар, одам савдосидан азият чекмоқда.

Ҳар йили 30 июлда Бутунжаҳон одам савдосига қарши кураш куни нишонланади, у Бирлашган Миллатлар Ташкилоти Бош Ассамблеясининг "Одам савдосига қарши курашиш бўйича саъй-ҳаракатларни мувофиқлаштиришни такомиллаштириш" бўйича  қарори билан 2013 йил 18 декабрда қабул қилинган ва расман белгиланган.

2000 йилда БМТ Бош Ассамблеяси трансмиллий уюшган жиноятчиликка қарши Конвенцияни ва 2003 йил охирида кучга кирган одам, айниқса аёллар ва болалар савдосининг олдини олиш, бартараф этиш ва бунинг учун жазолаш тўғрисидаги Протоколни қабул қилди. У одам савдоси жиноят деб ҳисобланадиган ягона халқаро ҳуқуқий ҳужжат ҳисобланади.

Бугунги кунда Ўзбекистон Республикасида одам савдосига қарши курашиш бўйича чора-тадбирлар режалари, қонунчиликни такомиллаштириш ва халқаро стандартларни жорий этиш бўйича чора-тадбирлар қабул қилинмоқда.

2023 йил 13 июлда «Ижтимоий фикр» РЖФЎМ томонидан "Фуқаролар одам савдоси тўғрисида: хабардорлик, сабаблар, оқибатлар ва қарши курашиш" мавзусида жамоатчилик фикрини ҳар томонлама ўрганиш бошланди, мамлакатимиз фуқароларининг одам савдоси ва қуллик каби жиноятларнинг турлари, ушбу жиноий фаолиятнинг сабаблари ва оқибатлари, давлат ва нодавлат ташкилотлари томонидан  одам савдоси билан боғлиқ жиноятларнинг олдини олиш бўйича кўрилаётган самарали ишлаш чоралари аҳоли тўғрисида хабардорлик даражаси тўғрисида жамоатчилик фикрини аниқлаш ва ўрганиш унинг мақсади ҳисобланади.