114

«Ёш социологлар учун ёзги мактаб:социологик тадқиқот усуллари»

 

2023  йил 21-26 август кунлари Тошкент шаҳридаги Халқаро Вестминстер университетида ёш талабалар, докторантлар, ўқитувчилар, тадқиқотчилар ва амалиётчилар учун социология ва унга алоқадор соҳалар бўйича етакчи олимлар билан илмий мулоқотни ривожлантириш мақсадида Ўзбекистон социологлар ассоциацияси, Тошкент шаҳридаги Халқаро Вестминстер университети ҳамда Фридрих Эберт ҳамкорлигида ёзги мактаб ташкил этилди.

Ушбу мактаб Ўзбекистон социологларига халқаро социологлар тармоғига қўшилиш ва ўз илмий малакасини оширишга ёрдам беради. Бундан ташқари, Халқаро социологлар ассоциацияси ва Ўзбекистон социологлар ассоциациясига аъзо бўлиш, ўз социологик фаолиятини жаҳон миқёсида намойиш этиш имконияти мавжуд.

Социология, сиёсатшунослик, иқтисодиёт, тарих, ҳуқуқ ва бошқалар соҳасидаги халқаро ва маҳаллий олимлар, Халқаро социологлар ассоциацияси ва Ўзбекистон социологлар ассоциацияси аъзолари, Тошкентдаги Халқаро Вестминстер университети вакиллари, «Ижтимоий фикр» республика жамоатчилик фикрини ўрганиш Маркази ва Мирзо Улуғбек номидаги Ўзбекистон Миллий университети вакиллари сабоқ берувчилар бўлишди.

Ушбу мактаб иқтидорли ва энг фаол ёш социологлар, талабалар, магистрантлар, докторантларнинг малакасини, касбий билим ва кўникмаларини ошириш, илмий-амалий методология ва усуллардан фойдаланган ҳолда халқаро стандартларга мувофиқ илмий-тадқиқот кўникмаларини шакллантириш ва келажакда эмпирик социологияни сифатли ва самарали ривожлантириш мақсадида ўтказилди.

21 август куни бўлиб ўтган тадбирда «Ижтимоий фикр» РЖФЎМ етакчи ходимлари Шерзод Бобоев ва Равшан Исламбаев ўзларининг қуйидаги мавзудаги  маҳорат дарслари ва маърузаларини тақдим этдилар: «Ижтимоий фикр» базасида  социологик тадқиқотларнинг инновацион усулларини қўллаш». Тадбир якунида улар тадқиқотлар танловини  ташкил этиш, телефон сўровлари ва дала планшетларини тадқиқ қилишнинг репрезентативлигини таъминлаш, социологик амалиётда телефон сўровининг афзалликлари ва камчиликлари ҳамда тадқиқотга интервьюерларни танлашда, энг аввало, қандай хусусиятларга эътибор қаратишлари ҳақидаги саволларга жавоб бердилар.

Тақдимотда «Ижтимоий фикр» Марказининг социологик тадқиқотларни ўтказиш технологиясида  қуйидаги дастурларни қўллашга ва улардан фойдаланишга  алоҳида ўрин ажратилди:

«Naumen» - алоқа  марказини ташкил қилиш учун зарур бўлган барча нарсаларни ўз ичига олган кенг қамровли дастурий ечим; «CATI» усулидан телефон сўрови ўтказиш учун фойдаланилади; «DigSee Sure» - «TAPI» усули билан планшетларда сўров ўтказиш учун ҳам online, ҳам offline режимда ишлайдиган дастурий таъминот; «Power BI»  - бу бир нечта дастурий маҳсулотларни умумий технологик ва визуал дизайн, улагичлар, шунингдек веб-хизматлар билан бирлаштирган ҳолда олинган маълумотларни онлайн таҳлил қилиш ва визуализация қилиш учун кенг қамровли дастурий таъминот; «SPSS Statistics» - кўп миқдордаги маълумотларни қайта ишлаш учун мўлжалланган статистик маълумотларни қайта ишлаш учун дастурий восита ва олинган маълумотларни талқин қилиш имконияти учун  маълумотларни визуализация қилиш мақсадида  иссиқлик хариталари билан ишлашни мўлжаллаб ишлаб чиқилган скриптлар.