158

Парламент комиссиясининг 2023 йил 28 июлдаги 49-сонли  қарорига 2-илова Олий Мажлис ҳузуридаги жамоат фонди ““Нажот – таълимда, нажот – тарбияда, нажот – билимда” шиори остида фуқаролик жамияти институтларининг лойиҳаларини қўллаб-қувватлаш” мавзуида Давлат грантлари ажратиш учун 5-танловни ЭЪЛОН ҚИЛАДИ

Танловга нодавлат нотижорат ташкилотлари, оммавий ахборот воситалари ва фуқаролик жамияти бошқа институтларининг қуйидаги мақсадларни назарда тутувчи ижтимоий аҳамиятга молик лойиҳалари қабул қилинади:

1.   “Нажот-таълимда, нажот-тарбияда, нажот билимда” шиори остида ёшлар ўртасида маърифий-тарбиявий тадбирларни ташкил этиш;

2.  Кам таъминланган мактаб битирувчилари учун олий ўқув юртларига кириш имтиҳонларига бепул тайёрлаш курсларини ташкил этиш;

3.  Мактабгача, мактаб ва олий таълим муассасаларида таълим сифати устидан жамоатчилик назоратини ташкил этиш;

4.  Чет давлатларда ўқишни режалаштирилган ёшларни ҳуқуқий билимларини шакллантириш;

5.  “Замонавий билим”, “Мукаммал касб”, “Маънавий баркамол шахс” тушунчаларини мазмун моҳиятини ёшлар ўртасида тарғиботини олиб бориш;

6.  Ёшларни турмуш қуришга тайёрлаш, оилада ижтимоий-маънавий муҳитга салбий  таъсир кўрсатувчи омилларни олдини олиш бўйича кўникмалар бериш;

7.  Ёшлар ўртасида ҳуқуқбузарликларнинг барвақт олдини олиш, уюшмаган ёшлар ўртасида профилактик ишларни олиб бориш;

8.  Бизнесда, давлат ташкилотларида юқори чўққиларга эришган шахсларнинг тажрибалари билан таништириш мақсадида ёшлар иштирокида мотивацион учрашувлар ўтказиш.

 

Давлат гранти ажратиш учун қуйидаги ҳужжатлар тақдим этилади: 

1. Ташкилот раҳбари томонидан имзоланган ва муҳр билан тасдиқланган кузатув хати; 

2. Олий Мажлис ҳузуридаги жамоат фондининг www.fondngo.uz расмий веб сайти ва t.me/group_jamoat_fondi телеграм каналида жойлаштирилган ва янги юкланган шаклда тўлдирилган давлат гранти лойиҳаси учун ариза;

3. Охирги ўзгартириш ва қўшимчалар билан давлат рўйхатидан ўтган ННТлар ва фуқаролик жамияти бошқа институтларининг Устави (Низоми) нусхаси;

4. Ташкилотнинг давлат рўйхатидан ўтганлиги тўғрисидаги гувоҳнома нусхаси;

5. Агар лойиҳани амалга ошириш лицензияланадиган фаолиятни талаб қилса, унда лицензиянинг нусхаси;

6. Ташкилотнинг солиқ қарзи мавжуд эмаслиги тўғрисида маълумотнома;

7. Манфаатдор давлат ва жамоат ташкилотларининг тавсия ҳамда қўллаб-қувватлаш хатлари.

Битта лойиҳа учун ажратиладиган грант миқдори – 100 миллион сўмгача. 

Ҳужжатлар 2023 йил 2 августдан 4 сентябргача қабул қилинади.

Ҳужжатлар Ўзбекистон Республикаси Олий Мажлиси ҳузуридаги ННТларни ва фуқаролик жамиятининг бошқа институтларини қўллаб-қувватлаш жамоат фонди номига “Ўзбекистон почтаси” орқали юбориладиган муҳрланган конвертларда (А4 форматда) қуйидаги манзил бўйича қабул қилинади: 100035, Тошкент шаҳри, Бунёдкор кўчаси, 1-уй. 

Ҳужжатларни тақдим этиш шартлари ва намуналари билан Олий Мажлис ҳузуридаги жамоат фондининг www.fondngo.uz расмий веб сайтида танишиш мумкин.

Маълумот учун телефонлар: (0-371) 239-26-76, 239-26-86.