Диёра Келдиёрова Олимпиада чемпиони!

Ўзбек дзюдосида тарихий натижа ва Париж-2024 Олимпия ўйинларидаги Ўзбекистон делегацияси биринчи олтин медални қўлга киритди! Диёра Келдиёрова Олимпия ўйинлари чемпионлигини қўлга киритган илк Ўзбекистонлик дзюдочи ва илк аёл спортчига айланди.

Дзюдочимиз Диёра Келдиёрова (-52 кг) Токио-2020 ёзги Олимпия ўйинлари чемпиони, япониялик Ута Абе билан куч синашди ва уни енгди. Ута Абе 5 йилдан буён муваффақиятни қўлдан бой бермай келаётган эди.

Диёра Келдиёрова шарафига Франция заминида Ўзбекистон давлат мадҳияси янгради!!!

“Ижтимоий фикр” республика жамоатчилик фикрини ўрганиш маркази барча юртдошларимизни тарихий ғалаба билан муборак этади. Биз сен билан фахрланамиз, Диёра!