Азиз юртдошлар! Сизларни умуммиллий хотира, фидокорлик ва ватанпарварлик рамзи бўлган 9-Май — Хотира ва Қадрлаш куни, шунингдек, Иккинчи жаҳон урушида қозонилган Ғалабанинг 80 йиллиги муносабати билан самимий табриклаймиз.

Бу улуғ сана юрт равнақи, тинчлик, эркинлик учун хизмат қилган мард ва жасур авлоднинг беқиёс жасорати, матонати ва сабр-бардоши тимсолидир. Улар эл-юрт, оила, эртанги авлоднинг тинч ҳаёти учун ўз жонларини фидо қилган, ҳаётларини бағишлаган сиймолардир.

Бугунги кун — нафақат тарихни ёдга олиш, балки ҳар бир оилада, ҳар бир қалбда ватанга садоқат, тинчликка эҳтиром ва миллий қадриятларни  мустаҳкамлаш кунидир.

“Ижтимоий фикр” республика жамоатчилик фикрини ўрганиш маркази  жамоаси ушбу кунда меҳнат ва ҳарбий фидокорлик, инсонпарварлик ва юксак масъулият билан хизмат қилган барча ҳамюртларимизнинг хотирасини чуқур ҳурмат билан ёд этиб, улардан ибрат олишни келгуси авлоднинг маънавий бурчи, деб билади.

Юртимизда амалга оширилаётган тинчликпарвар сиёсат, инсон қадрини устувор қўйган тараққиёт йўлида бугунги авлод масъулияти юксакдир.

Хотира — руҳий таянч, қадрлаш — фуқаролик бурчи.

Барчангизга тинч ва фаровон ҳаёт, ўзаро ҳамжиҳатлик, оилавий бахт-саодат, касбий фаолиятингизга ривож ва эзгу мақсадлар тилаймиз.

Ҳурмат билан,
"Ижтимоий фикр"
Республика жамоатчилик фикрини
ўрганиш Маркази жамоаси!