120

Парламент комиссиясининг

2022 йил 27 июлдаги 21-сонли

қарорига 1-илова

 

 

Олий Мажлис ҳузуридаги жамоат фонди

“Ногиронлиги бўлган шахсларнинг ижтимоий-маънавий қўллаб-қувватлаш” мавзусида  учинчи

давлат грантларини ажратиш учун танлов

ЭЪЛОН ҚИЛАДИ

Танловга нодавлат нотижорат ташкилотлари ва фуқаролик жамияти бошқа институтларининг қуйидаги мақсадларни назарда тутган ижтимоий аҳамиятга молик лойиҳалар қабул қилинади:

  1. Ногирон шахслар оилаларига турли ижтимоий хизматлар кўрсатишни ташкил этиш;
  2. Ногирон шахслар уй хўжалигини ривожлантириш орқали уларнинг ўзини - ўзи банд қилишга кўмаклашиш;
  3. Меҳнатга лаёқатли ногирон шахсларни касб-ҳунарга ўқитиш ва бандлигини таъминлаш;
  4. 4. Ногиронлиги бўлган шахсларга, якка ёлғиз қарияларга, ўзгалар парваришига муҳтож бошқа шахсларга ижтимоий хизматлар кўрсатиш;
  5. 5. Кўзи ожизлар, кар-соқовлар ва бошқа турдаги ногиронилиги бўлган шахсларнинг ижтимоий ва маънавий-маърифий эҳтиёжларни таъминлашга кўмаклашиш;
  6. 6. Кўзи ожиз, кар-соқов ва бошқа турдаги эҳтиёжманд ногирон шахсларнинг турмуш сифати даражасини юксалтиришда ижтимоий шерикликни кучайтириш;
  7. Ногирон шахсларни зарур дори-дармонлар, тиббий анжомлар ва бошқа реабилитация воситалари билан таъминлашга кўмаклашиш;
  8. 8. Ногирон ёшлар орасида “беш ташаббус” тамойилларини кенг жорий этиш, уларни ижтимоий-маънавий юксалтириш;
  9. Ногирон шахсларни давлат органлари, давлат корхоналари, муассасалари ва ташкилотларида меҳнат фаолиятини олиб бориш механизмларини такомиллаштиришга кўмаклашиш;
  10. Ногиронлиги бўлган ёшларни ўзини ўзи банд қилиш, тадбиркорликка жалб қилиш, касб-ҳунарга ўқитишда ижтимоий шерикликни кучайтириш;
  11. Жисмоний имконияти чекланган ва ногиронлиги бўлган шахсларга спорт билан шуғулланиш учун шарт-шароитларни кенгайтириш;
  12. Ижтимоий шериклик асосида ногиронлиги бўлган шахслар учун хорижий тил, компьютер саводхонлиги ва компьютерда дастурлаш асослари бўйича ўқув курсларини ташкил этиш

 

Давлат гранти ажратиш учун қуйидаги ҳужжатлар тақдим этилади: 

  1. Ташкилот раҳбари томонидан имзоланган ва муҳр билан тасдиқланган кузатув хати. 
  2. www.fоundngo.uz веб-сайтида жойлаштирилган шаклда тўлдирилган давлат гранти лойиҳаси учун ариза.
  3. Охирги ўзгартиш ва қўшимчалар билан давлат рўйхатидан ўтган нодавлат нотижорат ташкилоти ва фуқаролик жамияти бошқа институтининг Устави (Низоми) ҳамда гувоҳномасининг нусхалари.
  4. Агар лойиҳани амалга ошириш лицензияланадиган фаолиятни талаб қилса, унда лицензиянинг нусхаси.
  5. Манфаатдор давлат ва жамоат ташкилотларининг тавсия ҳамда қўллаб-қувватлаш хатлари. 

Битта лойиҳа учун ажратиладиган грант миқдори - 100 миллион сўмгача. 

Ҳужжатлар 2022 йил 29 июлдан 31 августгача  қабул қилинади.

Ҳужжатлар Ўзбекистон Республикаси Олий Мажлиси ҳузуридаги нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш жамоат фонди номига “Ўзбекистон почтаси” орқали юбориладиган муҳрланган конвертларда (А4 форматда) қуйидаги манзил бўйича қабул қилинади: 100035, Тошкент шаҳри, Бунёдкор кўчаси, 1-уй. 

Ҳужжатларни тақдим этиш шартлари ва намуналари билан Олий Мажлис ҳузуридаги жамоат фондининг www.fondngo.uz расмий веб-сайтида танишиш мумкин. 

Маълумот учун телефонлар: (0-371) 239-26-76, 239-26-86.