МУСТАҚИЛЛИГИМИЗНИНГ 35 ЙИЛЛИГИ МУНОСАБАТИ БИЛАН ВА МУНОСИБ ЭЪТИРОФ!

Ўзбекистон Республикаси давлат мустақиллигининг 35 йиллиги муносабати билан «Ижтимоий фикр» республика жамоатчилик фикрини ўрганиш Марказининг 8 нафар ходими «Ўзбекистон Республикаси мустақиллигининг 35 йиллиги» эсдалик нишони билан тақдирланди.

Ушбу эътироф Марказ жамоаси учун муҳим ва қувончли воқеа бўлиб, ходимларнинг кўп йиллик самарали меҳнати, касбий масъулияти ҳамда ўз фаолият йўналишидаги муносиб ҳиссасининг эътирофи сифатида алоҳида аҳамият касб этади.

Эсдалик нишони билан:

Raximova Nigina Xayrullayеvna “Ijtimoiy fikr” RJFO‘M direktori;

Alekseyeva Viktoriya Sergeyevna - direktorning birinchi o‘rinbosari;

Popenkova Albina Viktorovna - ma’muriy-moliyaviy ishlar bo‘yicha direktor o‘rinbosari;

Seitov Mansur Sherikbayevich - Amaliy tadqiqotlar bo‘yicha direktor o‘rinbosari;

Muratov Timur Ravilevich - Raqamli texnologiyalar va innovatsiyalar bo‘yicha direktor o‘rinbosari;

Imamova Shaxlo Xatamovna Xodimlar bilan ishlash bo‘limi boshlig‘i;

Tadjibayev Azizbek Baxodir o‘g‘li - Strategik tadqiqotlar departamenti rahbari;

Nabiyev Azim Akramovich Axborot texnologiyalari va xavfsizlik bo‘limi boshlig‘i;

Мустақиллик йилларида Ўзбекистонда инсон қадри, жамият манфаатлари ва фуқаролар фикрига эътибор давлат ва жамият тараққиётининг муҳим мезонларидан бирига айланди. Бу жараёнда жамоатчилик фикрини илмий асосда ўрганиш, аҳолининг ижтимоий кайфияти, қадриятлари, эҳтиёж ва кутилмаларини таҳлил қилиш ҳамда уларни кенг жамоатчиликка холис етказиш алоҳида аҳамият касб этади.

«Ижтимоий фикр» республика жамоатчилик фикрини ўрганиш Маркази ҳам ўз фаолияти давомида мамлакатда кечаётган ижтимоий жараёнларни социологик тадқиқотлар асосида ўрганиш, жамоатчилик фикридаги ўзгариш ва тенденцияларни аниқлашга қаратилган илмий-амалий фаолиятни изчил давом эттириб келмоқда.

Марказ ходимларининг мустақиллигимизнинг 35 йиллиги муносабати билан эсдалик нишонига сазовор бўлиши жамоа зиммасига янада катта масъулият юклайди. Бу эътироф янги тадқиқотлар, илмий ташаббуслар ва жамият манфаатларига хизмат қилувчи лойиҳаларни амалга ошириш учун муҳим рағбатдир.

«Ижтимоий фикр» республика жамоатчилик фикрини ўрганиш Маркази жамоаси мукофот соҳибларини ушбу юксак эътироф билан самимий муборакбод этади.

Ҳамкасбларимизга мустаҳкам соғлиқ, оилавий фаровонлик, янги илмий ва касбий ютуқлар, Ватанимиз тараққиёти йўлидаги фаолиятида улкан муваффақиятлар тилаймиз.

Мустақиллигимизнинг 35 йиллиги ва муносиб эътироф муборак бўлсин!